كتب :علاء أبو الحسن

جلستُ علي مكتبي الخاص وأمسكتُ بقلمي المفُضل وشرعتُ في كتابة ردٍ علي سؤال سألني أياه صديقي المُقرب حيث قال لي (تعمل أيه لو حبيبتك...! قصدي يعني اللي كانت حبيبتك (فُلانة).......ندمت ورجعتلك تاني....؟؟!!)

وقتها لم أستطع الرد عليه ، بل أكتفيتُ بنظرةٍ حائرة وأبتسامةٍ خفيفة!

لأنني تذكرتُ حينها ما فعلتهُ هي بي...!!

ولكنني قررتُ كتابة هذا الرد حتي يكونَ رداً علي كل مَن فعلت مثلها....!!

فكتبتُ قائلاً :::

لو سألتني عن حبها ... أنا هعمل نفسي ناسي!

ولو قالتلي أرجعلها .... أنا هبقي معاها قاسي!

مش هديها أي فرصة

للدفاع عن نفسها

لازم أعرفها أنها كارثة

لما تخون..!!  أكتر واحد حبها

دا كان بينا حب ... مش منافسة!

بس أكيد بعدي ... خسرت نفسها

أصل حكايتي معاها دي قصة

محتاج سنين ... عشان أحكي نصها!

كنت دايما بحس ... بحاجة ناقصة

لما ببقي مش جنبها

وهي سنين بيا مش حاسة

بتحب غيري وساكن قلبها...!!

بس أنا أهو... من غيرها عايش لسه

وبحب حبيبتي ... ضعف حبها..!!

بس هي تبقي تسألني..؟!  هشرحلها وكأني ف حصة

وبكلامي الجارح ... هجرحها وأذلها!

دي لازم تشرب من نفس كاسي!

فلو سألتني عن حبها ... أنا هعمل نفسي ناسي!

ولو قالتلي أرجعلها ..... أنا هبقي معاها قاسي!

هحاسبها حساب الماليكين

و هعرفها أن قلبي غالي

لازم تنزل دموع العين

تمن حبي وسهر الليالي

هي مش عارفة كانت مع مين...؟!

كانت معايا أنا....!!!

عاشق وساكن في برج عالي

نزلت ومدتلها الأيدين

ومليت بيها قلبي الخالي

سكنتها في مملكتي سنين

وجبتلها كل شئ جميل وغالي

حسستها معاني الحنين

وقولتلها كل كلمة حب ... كانت بتيجي ف بالي

فجاءة...!! 

لاقيتها بتهد قصري الدهب ... وبتبني طين!!

ودي كانت أكبر صدمة بالنسبالي....!!

فأنا لازم أفكرها أنا مين..؟!

وأردلها كل كلمة جرح قالتهالي

وأفكرها بكل المأاسي!

 

فلو سألتني عن حبها ... أنا هعمل نفسي ناسي!

ولو قالتلي أرجعلها ..... أنا هبقي معاها قاسي!

 

يعني أيه تبقي جوه ف حضني

وعقلها ف غيري يجيب ويودي..؟؟!!

دي لا حستني ولا حبتني

بس واخدة الحكاية تحدي...!!

توقعني ف حبها ... وتبعد عني!

وعِندها يحارب عِندي

دي كانت معايا ... ولا فهمتني

فاكراني معاها ... بلزم حدي...!!!

لكن لو كانت عرفتني

كانت هتعرف أنها مش قدي..!!

وياريت بقي لو مرة شافتني

تديني صورتي ... وتديني وردي..!!

وأنا جاهز ... لو جت سألتني...؟؟!!

وأديني محضرلها ردي...!!

عشان مفضلش أاأاسي!

فلو سألتني عن حبها ... أنا هعمل نفسي ناسي!

ولو قالتلي أرجعلها ..... أنا هبقي معاها قاسي!

المصدر: شباب ونص
shababwenos

شباب ونص - مجلة صحفية شبابية

  • Currently 0/5 Stars.
  • 1 2 3 4 5
0 تصويتات / 222 مشاهدة
نشرت فى 23 مارس 2014 بواسطة shababwenos

ساحة النقاش

Shababwenos

shababwenos
بنفكر في اللي بتفكر فيه، وبنقولك اللي محدش مهتم بيه.. »
جارى التحميل

تسجيل الدخول

عدد زيارات الموقع

960,233

أهداف برشلونة وباريس س جيرمان


https://www.youtube.com/watch?v=6iLKS2ZH_rM