كتبت : علا علي فهمي
عاجل : تم تغيير إسم حركة "لازم حازم" إلى "لازم شاحن" جاء هذا التعليق ضمن تعليقات شباب "الفيس بوك" الساخرة حول خبر ضياع شاحن موبايل الشيخ حازم صلاح أبو إسماعيل ، والذي تسبب في عدم ذهابه إلى مليونية حماية العلماء بالأسكندرية، وفقدانه التواصل مع أنصاره العديد منهرات التعليقات الساخرة والتي تناقلها شباب الـ "فيس بوك"، خاصة مع حدوث الإشتباكات بين الثوار وشباب حازمون، ليقول الشباب الفيسبوكي "محدش بيتخلى عن أنصاره أوي ... إلا لما يكون بطارية موبايه فاضية أوي".
أبرز تعليقات الشباب :
ـ الثائر الحق هو إلي يزيط في الزيطة ثم يهدأ ويلبس إلي معاه في الحيطة.
ـ عيش .. حرية .. شواحن أصلية
ـ الهتاف الأن : مش هنشحن هووووووووه يشحن.
ـ عاجل تم تغيير إسم حركه "لازم حازم" إلى "لازم شاحن".
ـ على رأي بدرية في إعلان إتصالات وأنا إلي فاكراك شاحن .
ـ حق صلاح أبو إسماعيل بدل ما يقول أدركوا اللحظة الفارقة، يقول أدركوا العلقة القادمة.
ـ إحنا بتوع الجبنة النستو عـلمنا على بتوع اللحمة.
ـ حركة "حازمون" غيرت إسمها إلى حركة "شاحنون".
ـ تلاقي ابو اسماعيل دلوقتي ماشي يلف في شوارع القاهره ويقول ؛ محدش معاه شاحن رفيع لله .
ـ دايماً بوسمعين معاه الجديد، بعد ما الناس كانت بتسأل فيه الجرين كارد يا أبو إسماعيل ؟، دلوقتي بتسأل فين الشاحن يا أبو إسماعيل ؟.
ـ عاجل : حركة حازمون أعلنت منذ قليل عن مليونية يوم الجمعة القادم بإسم "مليونية الشريحة والشاحن".
ـ "حازمون" يحاصرون سفارة فنلندا رداً على سرقة شاحن ابو اسماعيل والنشطاء وشعارهم الأن "سنحيا شاحنون".
ـ الشيخ حازم أبو سماعين عامل زي ثاني اوكسيد الكربون بالظبط.. لا يشتعل لكنه يساعد على الإشتعال.
ـ أبو إسماعيل : سأقاضي إتحاد الملاك لتعطيل الأسانسير ومنعي من الذهاب الى الإسكندرية.
ـ المفروض نسميها جمعه : خد ديل الجلابيه فى بقك وإجرى.
ـ واقروا الفاتحة لأبو العباس .. يا إسكندرانية يا أجدع ناس.
ـ يعني عبد الله بدر يقول "سنمشي على جثث الإسكندرانيه"، و حازمون يهتفوا "خيبر خيبر يا يهود" عاوززين الإسكندرانية يعزموهم على فريسكا.
ـ إحتراق اتوبيساتهم ،، شمعة تضئ الظلام الذى سببوه.
ـ ياريت كل إسلامجى بعد كدة يشيل فى جيبه ماكنه حلاقه إحتياطى...علشان يحلق بيها دقنه وهو بيجرى من الأهالى فى الشوارع ، زى ما عملوا فى العباسيه.
ـ صديقي الاسكندراني بيقولي انهم حرقوا لحازمون ثلات أتوبيسات علشان يروحوا بلادهم مشي ويحرموا يهوبوا ناحية اسكندرية تاني..
ـ محدش يضحك عليك و يقولك .. ان تم القبض على متظاهرين معاهم كارنيه التيار الشعبي و حزب الدستور لانهم لسة مطلعوش كارنيهات اصلاً.
ـ الإسكندرانيه بيهتفوا : يا أبو إسماعيل يا محتاس وحياة المرسي أبو العباس إسكندريه أجدع ناس.
ـ يصلوا الجمعة ويطلعوا يشتموا الناس ويكفروهم ويضربوهم، وبعدين يهتفوا بالروح ...بالدم نفديك يا إسلام.
ساحة النقاش