طريقة عمل خلطة البطاطس الودجز

تحضير / شيف وليد على

المقادير :

2 معلقة كبيرة فلفل حار بودر.
1 معلقة صغيرة ثوم بودر .
نص معلقة صغيرة بصل بودر.
نص معلقة صغيرة فلفل أحمر مطحون.
معلقة صغيرة كاري بودر.
معلقة صغيرة باربيكا مدخنة.
3 معلقة صغيرة كمون مطحون.
2 معلقة صغيرة ملح.
2 معلقة صغيرة فلفل أسود.
أخلطي جميع المكونات في إناء واستخدميهم عند الحاجة.

الطريقة :

هنا بعمل البطاطس بطريقتين
1- بعد قلي البطاطس ، بطلعها من القلاية ونرش عليها التوابل حسب الرغبة ( أنا بحبها سبايسي وبغطي البطاطس بيها )
2- الطريقة التانية بغسل 3 بطاطس كويس وبقطعها ودجز بجلدها واحطها في صينية وأرش عليها زيت الزيتون ، وبعدين أحط معلقتين التوابل وأقلبها في الطاسة ، أتأكد أن في شوية زيت في قاع الطاسة وأدخلها الفرن على درجة حرارة 180 لمدة حوالي نص ساعة ، أتأكد أنها أستوت ، أطلعها من الفرن وأحطها في طبق وأرش عليها شوية توابل صغيريين حسب الرغبة وبالهنا والشفا ياريت تبعتولي رايكم .