كتبت: إيمان هيكل

 

 

ـ هو أنت بتصدق كل الكلام اللي بيتقال حواليك؟ ولا فيه كلام تاني؟ 


للأسف.. فيه ناس ولاد حلال بياخدوا الكلام ويشرحوه، ويقولوا رأي تلاقيكو تصدقوه..


وعلشان كده عايزين كلنا نفكر بفكرنا الخاص في كل كلمة بتتقال، ونربطها بالمواقف اللي بتحصل، وأهم نقطة هتوفر علينا الكلام ده كله، نسأل نفسنا مين ليه مصلحة إن ده يحصل!


عارف أنت لو فهمت الكلام ده كويس هتلاقي نفسك عرفت المصطلحات السياسية الضخمة من غير تعقيد!

 

تحب أقولك ازاي؟ 

عارف يعني إيه (الرأي العام)؟

 

قولت لك (فيه ناس ولاد حلال بياخدوا الكلام ويشرحوه، ويقولوا رأي تلاقيكو بتصدقوه).. أهو هو ده الرأي العام ببساطة..

أما التعريف العلمي فهو: (مجموعة من المعتقدات الصحيحة أو خاطئة، تخص أعضاء جماعة أو أمة تشترك في الرأي رغم تباينهم الطبقي أو الثقافي أو الاجتماعي، وتعكس وجهة نظر أغلبية الجماعة تجاه قضية معينة في وقت معين).

 

برضه قلت لك (عايزين كلنا نفكر بفكرنا الخاص في كل كلمة بتتقال ونربطها بالمواقف اللي بتحصل)، أهو هو ده الرأي الخاص. وتعريفه العلمي: (الرأي الخاص يشير إلى معتقدات صحيحة أو خاطئة تتعلق بفرد واحد).

 

هي دي (أ) في أبجدية السياسة ببساطة.. والمرة الجاية نعرف مصطلح جديد.

 

 

المصدر: شباب ونص
shababwenos

شباب ونص - مجلة ثقافية وشبابية

  • Currently 4/5 Stars.
  • 1 2 3 4 5
1 تصويتات / 1945 مشاهدة
نشرت فى 19 نوفمبر 2012 بواسطة shababwenos

ساحة النقاش

Shababwenos

shababwenos
بنفكر في اللي بتفكر فيه، وبنقولك اللي محدش مهتم بيه.. »

ابحث

تسجيل الدخول

عدد زيارات الموقع

3,477,192

ما الطريقة السليمة لغسل اليد؟