كتبت : علا علي فهمي
"بالشكل ده على نهاية 2013 هنكون 90 نسمة بس مش 90 مليون" هكذا علق شباب الفيسبوك على تلك الأحداث المأساواية التي نمر بها الشهور القليلة الماضية، لننتقل من حوادث الطرق والقطارات المتتالية إلى الإشتباكات الدامية والتي نتج عنها وفاة العشرات وإصابة المئات، في الذكرى الثانية لثورة 25 يناير، ليقول الشباب "نعم نرشح مرسي رئيساً لمشرحة زينهم، مقابل تنحيه عن الرئاسة" وغيرها من تعليقات الكوميديا السوداء ...
ـ مرسى: هو فى كام واحد مات النهاردة؟ .. قنديل : لا أنا أقولك عدد العايشين أسهل يافندم.
ـ قلبي على بلدي انفطر وقلب مرسي على مالي وقطر.
ـ كل ما يحصل حاجة يطلع مرسى وينعى، هو إنت جاى تشتغل إيه رئيس ولا معددة؟؟
ـ بالشكل ده لو مرسى كمل الفترة الرئاسية هيبقى الرئيس الوحيد فى التاريخ اللى فى عهده انخفض عدد سكان مصر.
ـ 38 واحد مات و300 مصاب علشان ميتنفذش حكم إعدام فى (٢١) واحد
ـ نعـم لمرسى رئيسًا لمشرحة زينهم مقابل تنحيه عن الرئاسة.
ـ الأحداث الصعبة اللى بنمر بيها مش لازم تنسينا إننا نبارك لإخواتنا في اثيوبيا بمناسبة إلغاء زيارة مرسي ليهم، وبنقولهم ألف مبرووووك يا ولاد المحظوظة.
ساحة النقاش