كتبت : علا علي فهمي

نشنت يا فالح، أهو كل الناس بتقولك نهضة نهضة نهضة، مش كنت تقولنا نهضة دي تطلع مين وليه وإزاااااي ؟، ما كناش ألفنا كدبه ثانية نطلع بيها غير مشروع الهباب ده، الناس يا أخويا ما صدقت قولنا نهضة ، وقعدوا  بقى يحلموا، غلابة يا عيني وما يعرفوناش كويس.

بمجرد أن تقوم بفتح موقع التواصل الإجتماعي "الفيسبوك" ستقع عينك على الكثير من النكات والتعليقات الساخرة حول الأزمة الإقتصادية التي تمر مصر بها حالياً، والتي تتمثل في عجز الموازنة، وإرتفاع الأسعار، وإستمرار هبوط قيمة الجنية المصري.

ومن أبرز تعليقات شباب "الفيسبوك" :

 ـ الدولار بـ 6.45 و الفاصوليا بـ 25 جنيه الكيلو ..أنا هحول فلوسى لفاصوليا!.

ـ دوله تمتلك ثلث أثار العالم و يتم استبعادها من الدول السياحية، نهضة دى و لا مش نهضة يا متعلمين يا  بتوع المدارس !.

ـ يا مستني خير من الإخوان يا مستني عسل من الدبان.

ـ لا وبيقولك ما فيش أزمة إقتصادية، إنت فين يا حسين ؟!.

ـ عمرنا ما فلسنا من الفساد بس هنفلس من كثر النهضة.

ـ أكيد مامي نهضة عشان تجيب الإستقرار ده كله.

ـ نصيحة للجنية المصرى، لو حسيت بهبوط إضرب مخلل.

ـ النهضة بعتلها جواب، ولا سألت فيه، يا مرسي إيه الأسباب ؟ يا شاطر ما ترد عليا.

ـ وزير المالية إسمه شحاتة ... أظن الرسالة وصلت.

ـ سرقة العربيات زادت قوي في مصر، لدرجة إني خايف أنام أصحى ألاقي مصر بقى إسمها جمهورية مصر العربية ، من غير العربية.

ـ كفاااااااااااية نهضة أبوس إيدك.

ـ الناس نهضتها السبت والأحد وإحنا نهضتنا ما وردتش على حد.

المصدر: شباب ونص
shababwenos

شباب ونص - مجلة ثقافية وشبابية

  • Currently 0/5 Stars.
  • 1 2 3 4 5
0 تصويتات / 1208 مشاهدة
نشرت فى 3 يناير 2013 بواسطة shababwenos

ساحة النقاش

Shababwenos

shababwenos
بنفكر في اللي بتفكر فيه، وبنقولك اللي محدش مهتم بيه.. »

ابحث

تسجيل الدخول

عدد زيارات الموقع

3,477,906

ما الطريقة السليمة لغسل اليد؟