تحضير/ شيف وليد علي
المقادير
2 كيلو طماطم 2 فصوص ثوم .
لتر مرقة خضار ( أرجعوا لوصفة المرقة )
3 بصلات كبار أربع أرباع .
2 معلقة سكر.
3 معلقة كبيرة صلصلة طماطم.
3 عيدان زعتر فريش.
3 عيدان روزماري فريش.
100 مللي زيت زيتون.
ملح وفلفل حسب الرغبة.
طريقة التحضير
أولا الطماطم :
1- هنغلي مية في الحلة وبالسكينة نقطع الطماطم من فوق زي ما في الصورة ،
ونحطها في المية المغلية ونطلعها بعد دقيقتين أو ما نلاقي الجلد بتاعها بدأ يتقشر.
2- نطلعها من المية المغلية ، نقشرها وتقطعها قطع صغيرة ، ناخد نص كيلو من الطماطم ونطحنه في الخلاط ، ونرجعوا تاني مع الطماطم ونحط عليهم شوية ملح وزيت زيتون ونسيبهم شوية.
3- نحط البصل والتوم والروزماري والزعتر الفريش في الكبة ونطحنهم بس مش كتير 2 أو 3 دقايق.
4- نسحن زيت الزيتون في الحلة بس مش عايزيين نحرقه .
ملحوظة
- زيت الزيتون لو دخن طعمه بيتغير وممكن يغير طعم الصوص كتير
5- بعدين نحط كل اللي في الكبة في الزيت ونطبخه على نار هادية ، هنا نقعد نقلب لغاية ما يطلع عصير من البصل والثوم وبعدين نحط صلصلة الطماطم وتقلب ، ونحط السكر ونكمل تقليب لحد ما صلصلة الطماطم تدوب تماما معاها البصل ، وبعدين الطماطم المتقطعة مع المخلوطة ونقلب كل المكونات ، وبعدين نغلي النار وأخيرا المرقة .
6- نقلب لما الصوص يغلي ، نهدي النار خالص ونسيب الصوص زي ما بنقول في المطبخ " ياكل نفسه " في حدود ساعة ونص.
ملحوظة : الملح والفلفل حسب الرغبة
جربوها ومستني رأيكم شيف / وليد علي
يمكنكم التواصل مع الشيف وليد عبر صفحته الرسمية
https://www.facebook.com/pages/Walids-Kitchen/215011331994045?ref=hl
ساحة النقاش