تتبيلة الفراخ على الطريقة الهندية

تحضير / شيف وليد علي

المكونات :

3 Tandori Chiken فراخ بخلطة التندوري
2 علبة زبادي ( 500 مللي )
4 بصلات متقطعين
5 فصوص ثوم
1 رأس جنزبيل فريش ( 50 جرام )
عصير 3 لمونات.
4 عيدان كزبرة
2 فلفل أحمر
5 حبهان ( نكسرها وناخد اللي جواها )
1 معلقة كبيرة كاري.
1 معلقة كبيرة كركم .
1 معلقة قرم مسالا.
1 معلقة شاي لون أكل أحمر ( نجيبه من عند العطار )
100 جرام سمنة سايحة

                                      طريقة التحضير

- نحط كل المكونات من غير الزبادي واللون الأحمر في الكبة ، ونطحنهم كلهم لحد ما يكونوا قطع صغيرة جدا.
- نحط الزبادي على الخلط وبعدين نملحها كويس وبعدين نحط اللون.
- ملحوظة :
- الخلطة بيكون لونها أحمر خفيف .
- أما بالنسبة للفرخى فلو هنشويها نقطعها butterfly ( فراشة ) وانتوا دلوقتي طبعا عارقين يعني أيه تتقطع فراشة.
- لكن لو هنحطها في الفرن نسيبها زي ما هي ( نفتح بين الجلد واللحم زي ما شرحت قبل كدة ونتبل الفرخة ونسيبها 3 ساعات على الأقل في الخلطة ، في الهند بيسبوها لتاني يوم.
- للشوي على الشواية من 30 لـ 45 دقيقة.
- والفرن على درجة 120 لمدة ساعة ، ولو على درجة 180 لمدة نصف ساعة.
- هنبدأ نستخدم السمن في الطاسة ونحط الفرخة على ضهرها ، وعلى طول في الفرن.
- الهنود بيسموا السمنة السايحة Gie نشرها على الفرخة على طول في عملية الشوي أو التحمير.
- بالنسبة للناس اللي مش بتحب السمنة ، أنا أسف المرة دي ، تابعوني في مقادير تانية كتير انشاء الله .
                                           ملحوظة

- الخلطة ممكن نسيبها في التلاجة لمدة أسبوع في علبة مقفولة .
- الفرخة بيكون لونها أحمر خفيف.

ممكن تقدموها مع رز مصري جميل وسلطة زبادي وبالهنا والشفا.

- يمكنكم التواصل مع الشيف وليد عبر صفحته الرسمية 

https://www.facebook.com/pages/Walids-Kitchen/215011331994045?ref=hl