تحضير شيف / وليد علي
تتبيلة الفراخ المشوية Chicken marination
بالطريقة الإيطالية :
في إيطاليا الفراخ المشوية أوي في الفرن ، يتم تطعيمها بالثوم والزبدة والرزماري والزعتر ، قبل الشوي أو التحمير.
المقادير :
250 جرام زبدة صفراء مملحة .
يعني نسيبها برة التلاجة لمدة ساعة . Room Temprture
7 فصوص ثوم كبيرة.
5 عيدان روزماري طارج.
5 عيدان زعتر طازج.
طريقة التحضير :
- توضع جميع المكونات في كابة.
- يتم طحن جميع المكونات حتى نحصل على زبدة بلون أخضر خفيف.
- يتم فصل جلد الفراخ عن اللحم بالأصابع ، دي طريقة سهلة بس مهمة جدا ، بصوابعنا نفصل الجلد عن اللحم ونعمل زي جيب .
- ناخد الزبدة ونحطها بين اللحم والجلد ، بمعنى أخر نحشي الفراخ بين جلدها ولحمها.
- توضع الفراخ في التلاجة لمدة 15 دقيقة حتى يلتصق الجلد بالزبدة بلحم الفارخ.
- كدة الفراخ هتكون جاهزة.
- لو هتشويها – قطعيها بسكين حامية من ناحية الدهر عشان تتفرد وتبئا Butterflyed ، ويتم الشوي من داخل الفرخة الأول وبعدين الجلد ، وكل شوية نحط زبدة لحد ما تخلص ، حوالي نصف ساعة على الشواية.
لو هنحمرها
- نقطع جزر – بطاطس – كرفس – بصل بشكل كبير شوية .
- نحمر زيت الزيتون.
- نوضع الفراخ في صينية ونحمرها من ناحية الصدر ، نديها لون كويس وبعدين نقلبها ونحط الخضار تحتها ونرش مع شوية مرقة فراخ .
- نضع الصينية في الفرن .
- أبدأ الطبخ بدرجة حرارة 120 لمدة ساعة وبعدين 180 لمدة نصف ساعة تانية.
- ملحوظة :
- أنا كنت أتكلمت في البداية وقولت مع بعض هنتعلم نطبخ صح و يعني أيه صح ! هشرح هنا :
- في الشوي، بدأت بشوي الفراخ من جوة الأول عشان الداخل فيه عضم هيحمي لحم الفرخة من درجة الحرارة المفاجئة ، وكدة الفرخة هتستوي من غير ما تتحرق ، والزبدة اللي جوة الجلد تسيح واحدة واحدة ويطعم الفراخ.
- أما بالنسبة للفراخ في الفرن دايما لما نبدأ الشوي لأي نوع طيور ، نحمر جلدها من ناحية الصدر وبعدين نقلبها ، ونبدأ الشوي بدرجة حرارة هادية 120 لنصف مدة الشوي ، و 180 و 200 لتجمير الجلد .
- درجة الحرارة الخفيفة لأن لحم الفراخة بيكون مش مشدود وبتحتفظ الفرخة بالعصائر اللي جواها فاللحمة بتكون طرية عند الأكل.
- أما درجة الحرارة العالية ، عشان نحصل على جلد مقرمش في النهاية.
- هي دي الطريقة اللي هشرح بيها كل وصفاتي ، طريقة أكاديمية بس أنشاءالله مش هتكون رخمة أو تقيلة عليكم.
- لو حبيتوا الطريقة دي وشايفيين أنها هتكون مفيدة ليكم ياريت تبعتولي أرائكم وانشاء الله تابعوني في تتبيلات الفراخ بالطرق دي :
- تتبيلة الفراخ بالطريقة الهندية.
- تتبيلة الفراخ بالطريقة الميكسيكية.
- تتبيلة الفراخ بالطريقة الصيني.
- تتبيلة الفراخ بالطريقة العربية.
- تتبيلة الفراخ بالطريقة الأمريكية وهتعمل الباربكيو صوص.
- مستني أرائكم أنشاءالله
" للتواصل مع الشيف وليد زوروا هذه الصفحة "
https://www.facebook.com/pages/Walids-Kitchen/215011331994045?ref=hl
ساحة النقاش