كتبت : علا علي فهمي
لو شفت الزبال إبقى خليه يطلع يلم الزبالة من على السلم
يا عم الزبال هو إللى بيوسخ مش إللى بينظف
أنت قصدك إيه يا كابتن ؟
قصدى إن إللى بتقول عليه زبال إسمه عامل النظافة لأنه هو إللى بينظف
والزبال بقى هو إللى بيوسخ ، واخدلى بالك أنت !.
ده باختصار واحد من الحوارات اللى خلت مصطفى ماهر يأسس صفحة "احترم عمال النظافة" على "فيس بوك"، واللى بيقول فيها "ابتسم فى وجه عامل النظافة، فراتبه لا يتعدى فاتورة هاتفك، أو قيمة زجاجة عطرك، فلا تزيد همومهم بسوء معاملتهم".
وتضم الصفحة أكثر من عشرة ألالف عضو، وتهدف إلى احترام "عمال النظافة"، وتقدير دورهم فى المجتمع، الذى لا يقل أهمية عن الطبيب أو المهندس والمعلم، فبدونهم سيعيش المجتمع فى بيئة ملوثة ومليئة بالأمراض والأوبئة، هذا إلى جانب عدم حصولهم على أدنى حقوقهم فى حياة كريمة، ما بين إهمال الحكومة من جانب، واستنكار المجتمع لهم من جانب أخر.
تعليقات الشباب على الصفحة :
مصطفى ماهر : تحية لعمال النظافة فى كل مكان، هم أشخاص لهم أهمية كبيرة فى أى مجتمع مهما كبر أو صغر، تقدم أو تَخلف، لا يحصلون على قدرهم المناسب، مع أن عملهم يحترمه الدين والقواعد المجتمعية، لذلك فأنا أحترمهم وأقدر أهمية وجودهم فى حياتنا لخدمة المجتمع والإنسانية.
أحمد فتحى : لقبوه بـ الزبال مع أنه هو من ينظف، وهم من يوسخون.
روان عبد العزيز : الابتسامة التى تأخذ حيزاً صغيراً من وجهك تأخذ حيزاً كبيراً من حياة الأخرين، فابتسم فى وجه عسكرى المرور، والسائق، وعامل النظافة.
إنجى أنور : عامل النظافة ده بيلقبوه فى الصين واليابان بالمهندس ومرتبه زى مرتب الدكتور والمهندس.
حازم على : حط نفسك مكان عامل النظافة ، شوف هتقدر تعمل إللى بيعمله، وهتستحمل إللى بيستحمله من عناء، عشان تقدر إللى بيعمله عشانك وعشان البلد كلها.
خالد نبيل : بدل الوجبة لعامل النظافة 10 جنيهات فى الشهر، وكله بما لا يخالف شرع الله.
محمد أيمن : عامل النظافة بره بيبقى عامل زى رائد الفضاء، لابس بدله وجوانتى وغطاء لرأسه، مش عندنا ؟!.
رغدة نصر : مين إحنا عشان نعامل الناس دى معاملة سيئه ؟، الناس دى بتعرف تحب بعضها وتقسم لقمتها البسيطة مع أى حد، والقناعة صفه فيهم وأمر ملازمهم.
علياء منير : لازم نرتقى بأخلاقنا ونعاملهم بأحسن معاملة ، فكلنا عند الله سواسية.
ساحة النقاش