كتبت : إبتهال عامر

تعد مدينة "دهب" التابعة لمحافظة جنوب سيناء, من أجمل المدن المصرية، ورغم المسافة القريبة بينها وبين مدينة شرم الشيخ التي تبعد عنها بـ100 كيلومتر فقط، إلا أنها لم تحظ بالشهرة الإعلامية مثل الأخيرة حتى سنوات قليلة ماضية. 

ورغم تميزها عن غيرها من المدن إلا أن حقها مهدور إعلاميا, فهي ساحرة بجمالها, لها جاذبية خاصة ومميزة, وأجمل ما يميزها هو "البساطة". 

عن تجربة شخصية أحكي لكم عن "دهب" .. 

يصنع من الفسيخ شربات

لو اتكلمنا عن الكافيهات أو المطاعم هقولك تخيل الترابيزة اللي قاعد عليها في الكافيه تكون عبارة عن تليفزيون كبير قديم تسند عليه مثلا, وتليفون أقدم متعلق فيه مصباح ينورلك!.. 

تخيل لما تكون قاعد في كافيه والكرسي اللي قاعد عليه عبارة عن كاوتش عربية, أو عربية الأسمنت اللي بيستخدموها في المباني, أكيد هتستغرب من الكلام, بس لما تشوف هتستغرب أكتر من الجمال, ولا السكون وراحة البال.

عندما ذهبت إلى دهب رأيت ما لم أراه من قبل.. فكل شئ قديم قمت بالتخلي عنه أو ما نسميه "روبابكيا" له هناك قيمة، فهذه الروبابيكيا هي الديكور اللي ممكن يشدك للمحل أو الكافيه, واللي كان بيشدني أنا شخصيا.. 

كل شئ له معنى عندهم مفيش حاجة إسمها ده ملوش لازمة, بالعكس اللي ملوش لازمة هو ده أكل عيش الكثير منهم.

مع العلم لدرجة إني لما اتكلمت مع واحد من أصحاب تلك المحلات رفض إنه يبيع حاجات معينة معروضة, ولما سألته جاوب إنها ليست للبيع وإنه لو باعها مش هيلاقيها تاني في حياته. 

الناس دي مبتفكرش في المصلحة ولا الفلوس, الناس دي بتعمل اللي ييجي على بالها وقلبها بيحبو أوي اللي بيعملوه وده اللي جعلهم متفوقين, تخيل المنافسة بين أصحاب المحلات وبعضهم البعض عن مين اللي يطلع فكرة جديدة من حاجة قديمة ويابخت اللي يقدر. 

هناك لا توجد مطاعم "التيك أواي" الشهيرة التي تميز معظم الأماكن الأخرى وعندما سألت عن السبب كانت الإجابة هي " لو المطاعم دي موجودة إمال إيه اللي هيميز "دهب" عن غيرها من المدن الأخرى" !! فالبساطة عنوانها. 

مشروب الضيافة

تمتاز دهب بكرم أخلاق أصحاب محلاتها وأكشاكها الصغيرة, لو دخلت تتفرج وإنت خارج لازم تاخد مشروب الضيافة اللي هو عبارة عن الشاي البدوي, أو الكركديه المثلج. 

بغض النظر عن جمال البضاعة المعروضة في المحلات والبازارات ورائحة الأكل في المطاعم والكافيهات اللي يشدك لوحده, إلا أن الشكل والديكور لوحده يشدك إنك تدخل كفاية لالتقاط أجمل الصور في أجمل وأغرب الأماكن, فهناك ما يجذبك من لوحات مكتوبة بطرق طريفة بسيطة عبارة عن جمل مستوحاة من أفلام أو كتب أو أمثال أو أغنيات. 

أوعى يفوتك ده..

منطقة "البلو هول" حكايتها ممكن تقول إنها أسطورة, فيقال إن هذه المنطقة صنعت نتيجة سقوط "مذنب" من السماء أدى إلى تكوين حفرة عميقة من المياه الزرقاء خلقت أجمل منظر طبيعي يمكنك رؤيته في حياتك, وبإمكانك الغطس فيه لرؤية أجمل الشعب المرجانية الطبيعية. 

منطقة "الثري بولز" وهي عبارة عن بقعة في وسط المياه مقسمة إلى ثلاثة حمامات سباحة طبيعية تترواح أعماقها مابين 5 أمتار إلى 30 مترا, تحتوي على أجمل الشعب المرجانية قامت الصخور بتكوينها. 

منطقة "رأس أبو جلوم", التي تحتوي على أندر الشعب المرجانية الموجودة والتي يحذر لمسها نهائيا فضلا عن حدوث إضرار بها ونظرا لأنها حادة جارحة حال لمستها.

المصدر: دهب-سيناء
shababwenos

شباب ونص - مجلة ثقافية وشبابية

  • Currently 0/5 Stars.
  • 1 2 3 4 5
0 تصويتات / 2640 مشاهدة
نشرت فى 7 يونيو 2017 بواسطة shababwenos

ساحة النقاش

Shababwenos

shababwenos
بنفكر في اللي بتفكر فيه، وبنقولك اللي محدش مهتم بيه.. »

ابحث

تسجيل الدخول

عدد زيارات الموقع

3,461,835

ما الطريقة السليمة لغسل اليد؟