بقلم :علاء ابو الحسن
مش هقول انك حبيبتي
وان قلبي بيعشقك
مش هقولك يـا حبيبتي
لأني عايــز أسرقك
مش هقول اني بحبك
وإني روحي عاشقة روحك
فاكرة أول يــوم قابلتك
لما قولتي إن أنــا طموحك
مش هقول إن أنتـــي ليا
ومش لأي حـــــد تاني
دانتي مسجونة ف عينيا
ورمشي سجانك أناني
مش هقول إنـــــــــك قمر
وعيونك نجوم فــــــــي سمايا
ده عشانك أتعلمت السهر وبسرح في صورتك اللي معايا
مش هقول إنــك جميلة
وأرق صـــــــوت سمعتو صوتك
دانا حبيتك في يوم وليلة
حبيت ملامحــك وقت سكوتك
مش هقول ولا هوصفك
مفيش كـــــــــلام يكفي وصفك
دانــــا لما جربت أوصفك
قعدت سنين بوصف في رمشك
مش هقول اني وحيد
لما تبقي بعيدة عني
مهما قلبي يكون بعيد ليكي بس انتي يغني
مش هقول في بعدك بس
أنتي ممكن توحشيني
ده وانتي جمبي بردو بحس إنك واحشة قلبي وعيني
مش هقولك أنــــا تحت أمرك
وأطلبي اللي أنتي عايزاه
دانا هجبلك اللي طول عمرك حلمتي بيه ومش نسياه
مش هقول أنا عايز أشوفك
كـــل لحظة وكــل ثانية
دي عيني لما بتلمح طيفك بحس أني ملكت الدنيا
مش هقول قلبي بيبكي
لما عيني تشوف دموعك
دانتي لما بتيجي تشكي
عيني بتدمـــــــع دموعك
مش هقولك بحب ضحكك
وأبتسامتك أحلي حاجة
عشان ساعدتك أنا بتلكك وممكن أعمل أي حاجة
مش هقول حاجة تاني خلاص
غيـــــــــــر بحبك وبعشقك
أهـــــــــو أعترفت قدام الناس
والدور عليكي أني أسمعك
ساحة النقاش