تحضير / شيف وليد علي
ممكن نشوي الفرخة من غير جلد بس في الحالة دي هنستخدم صدر الفرخة ونعمله butterfly عشان يكون رفيع وميخدش وقت على الشواية ومينشفش بعد ما تعملي الصدر butterfly ( بالسكينة تقطعي الصدر من النصف وتفتحه زي الكتاب ) و أبشري لمونة وفص ثوم و 2 عود زعتر فريش ، وبالسكينة تقطعي الثوم والزعتر لقطع صغيرة جدا و تحطي عليهم جلد اللمون المبشور ومعلقتين زيت زيتون وملح وفلفل حسب الرغبة ، كل المكونات دي حطيها على صدر الفرخة وبعد كدة حطي الفرخة على الشواية ، الصدر هياخد 6 دقائق على الشواية.
الطريقة بالصور :
1- دي صورة المكونات
2- دي صورة المقشرة أستخدمي الجنب الناعم
3- دي صورة المكونات بعد التحضير ، الثوم والقشر اللمون ناعميين جدا والزعتر متقطع بالسكينة زي الملوخية كدة بعد ما شيلت العيدان منه ، وبعمل كدة مع الروزماري.
وبعدين ضيفت على الخلطة ملح ورزيت زيتون.
4- دي صورة الفرخة بعد التتبيل.
5- دي صورة الفرخة بعد الشوي.
قشر اللمون بيدي طعم وريحة جميلة جدا للفرخة
- أولا أبشريه ناعم جدا.
- ثانيا وانتي بتشويه حاولي توصلي لدرجة الشوي اللي في الصورة ، الفرخة بيكون لونها دهبي بتاخد 6 دقائق بالظبط.
- لو عايزة تعمليها في طاسة ، سخني شوية زيت زيتون وحمري الفرخة من جنب وأقلبيها وحطيها في الفرن 4 دقايق ، برضو ممكن تشويها على الشواية الكهرباء لو عندك .
يمكنكم التواصل مع الشيف وليد عبر صفحته الرسمية
https://www.facebook.com/pages/Walids-Kitchen/215011331994045?ref=hl
ساحة النقاش