تحضير / شيف وليد علي

المقادير :

2 حزمة ريحان .
2 فصوص ثوم.
150 مللي زيت زيتون " هنشيله في التلاجة ساعتين قبل تحضير الصوص ، دة هيساعد أن لون الصوص ميتغيرش ويكون أخضر زاهي.
50 جرام جبنة بارميزان مبشورة.
75 جرام صنوبر " هنحكصه في طاسة من غير زيت على نار هادية مع التقليب ونديله لون دهبي بس مش نحرقه ، ونسيبه يبرد .
4 مكعبات تلج.

طريقة التحضير :

- في الكبة هنحط الريحان مع التوم مع الصنوبر مع الجبنة البارميزان ، وهنشغل الكبة لحد ما كل المكونات تتفرم .
- هنا هنطلع زيت الزيتون من التلاجة ، وهي الكبة شغالة هنحط الزيت تدريجيا لحد ما نوصل لصوص متماسك فيه قطع صغيرة .
- أخيرا هنحط أربع مكعبات تلج في الكبة وهنضرب الصوص تاني لمدة 3 دقائق لحد ما لون الصوص يكون أخضر زاهي ( بيلمع )

  نيجي للفراخ الفيليه :

- هنقطعها شرائح رفيعة ، وتبلوها بأي تتبيلة تحبوها ، أو بتتبيلة الزعتر وقشر اللمون اللي موجودة في الصفحة .
- بعدين على الشواية نشوي شرائح الفراخ دقيقتين على كل جنب من غير ما نحرقهم .
- اللي مش عنده شواية ، ممكن في طاسة نسخن شوية زيت زيتون ونحمر الفراخ .
-أخيرا بعد سلق المكرونة مباشرة ، نصفيها ونحطها في الحلة ، عليها الفراخ المشوية أو المحمرة على صوص البيستو ، والملح حسب الرغبة .
- لو عندكم مقشرة جبنة ، قشروا كام قشرة جبنة بارميزان على الطبق من فوق ، وبالهنا والشفا.

 

 يمكنكم التواصل مع الشيف وليد عبر صفحته الرسمية 

https://www.facebook.com/pages/Walids-Kitchen/215011331994045?ref=hl

shababwenos

شباب ونص - مجلة صحفية شبابية

  • Currently 0/5 Stars.
  • 1 2 3 4 5
0 تصويتات / 1124 مشاهدة
نشرت فى 1 ديسمبر 2013 بواسطة shababwenos

ساحة النقاش

Shababwenos

shababwenos
بنفكر في اللي بتفكر فيه، وبنقولك اللي محدش مهتم بيه.. »

ابحث

تسجيل الدخول

عدد زيارات الموقع

1,997,104

ما الطريقة السليمة لغسل اليد؟