تحضير / شيف وليد علي
النهاردة بناء على طلبكم هنتعلم أزاي نحول الدهن البقري او الخرفان لسمنة صافية 100%
المقادير:3 كيلو دهن ( خرفان أو بقري ) خالي من اللحمة خالص ، يكون دهن بس.
5 لتر مية .
الطريقة :
1- أولا نفرم الدهن وبعدين نحط الدهن مع المية في حلة كبيرة على النار لحد المية ما تغلي ، بعدين نهدي النار ونسيب السمنة تاكل نفسها زي ما بنقول في المطبخ لمدة 6 ساعات مع تزويد المية كل ما نلائيها قلت والدهن الأصفر زاد على سطح المية .
2- ملحوظة مهمة :
- التقليب المستمر ونتأكد أن الدهن متحرقش في قاع الحلة لأن دة ممكن يبوظ السمنة كلها .
3- بعد الـ 6 ساعات هنلاقي الدهن نفسه ساح وأتحول لحبات صغيرة جدا والمية بئا لونها أصفر دهبي .
4 - نصفي كل ما في الحلة في مصفة رفيعة جدا ، من خلال قماسة الجبنة ( هي قماشة شبه الشاش ) زي ما في الصورة هنا ، أحنا عايزيين المية نصفيها بس ومش هندوس على الدهن ، المية فقط .
5- دة هيكون شكل المية بعد ما نصفيها ( دي مش المية ، دي السمنة)
6- هنحط السمنة في التلاجة في علبة لحد ما تجمد ، هنقلب العلبة ونطلع السمنة هنلاقي طبقة على السمنة من فوق من الجلاتين ، دي هنشيلها مش محتاجينها ، ونحط السمنة تاني على النار ونسيحها على نار هادية لحد ما يكون لونها دهبي صافي حوالي 20 دقيقة.
- الـ 3 كيلو دهن هيطلعوا ما بين كيلو ونص لـ 2 كيلو سمنة.
- ومككن نعمل أكتر من 20 كيلو سمنة بنفس الطريقة.
- هنعبي السمنة في برطمانات ونحفظها في أي مكان في المطبخ ، مش محتاجة تحفظ في التلاجة
- السمنة أستخدموها في تحمير الفراخ أو اللحمة بتديها طعم جميل ، أو لعمل البطاطس المقلية حطوا نص زيت ونص دهن ، طعم البطاطس هيكون حكاية ، ومع صينية البطاطس أو مع المحشي ، مع الأكل الدسم بتاعنا .
- يمكنكم التواصل مع الشيف وليد عبر صفحته الرسمية
https://www.facebook.com/pages/Walids-Kitchen/215011331994045?ref=hl
ساحة النقاش