كتب - وليد علي :
<!-- الأول هبدأ بتقسيم صغير لأنواع المطابخ في العالم
في العالم في 8 مطابخ رئيسية
(French classic cuisine) اولا المطبخ الكلاسيك الفرنسي
- وهو أهم واشمل المطابخ ، وكل الطباخين لازم يكونوا عندهم معرفة بالنوع دة من المطابخ.
- المطبخ الفرنسي بيستخدم فيه الزبدة والسمنة والكريم بشكل كبير لأن كل الأطباق بتحتوي على صوص ! ودة بيحتاج عنصر الدهان عشن نوصل لدرجة التقل في الصوص المناسب – والصوص في المطبخ دة هو اللي هنركز عليه انشاء الله.
(Italian cuisine ) ثانيا المطبخ الإيطالي
- المطبخ دة نقدر نقول عليه عكس المطبخ الفرنسي ، لأنه بيستخدم فيه زيت الزيتون بشكل كبير ، والطماطم بشكل أكبر لأن صوص الطماطم بيدخل في معظم الأطباق الإيطالية ، دة بيرجع لأن الطماطم الإيطالية أجود أنواع الطماطم في العالم.
عشان كدة أول وصفات الأكل الإيطالية هتكون صوص الطماطم إلى جانب وبلا شك المكرونة والبيتزا.
(Spanish cuisine ) ثالثا لمطبخ الأسباني
بيشتهر المطبخ السباني بأطباق الاسماك Sea Food إلى جانب الـ Taps و الـ Paella الأسبانية المعروفة في كل أنحاء العالم ، وأكيد هاشرح بالتفاصل طريقة عمل الـ Taps و الـ Paella .
(Asian cuisine ) رابعا المطبخ الأسيوي
- بيشتهر المطبخ الأسيوي بأختلافه عن جميع مطابخ العالم في استخدامه لما يسمى بالنودل Noodle وهي نوع من أنواع المكرونة المصنوعة من الأرز المطحون والبيض ، وبتدخل في أغلب الأطباق السيوية.
(Andian cuisine ) خامسا المطبخ الهندي
الهند هي أكبر دولة منتجة للتوابل في الكون ، واكيد دة نعكس بشكل كبير على اطباقها ، لدرجة أنهم بيستخدموا التوابل في أطباق الحلو والعصير.
وهنا هنزكز في أستخدام التوابل وأنواعها.
(Mexican cuisine ) سادسا المطبخ الميكسيكي
بتلعب الشطة دور رئيسي في المطبخ المكسيكي لأن أشد انواع الفلف بتوجد في المكسيك ، ففي كل طبق مكسيكي يوجد ما يسمس بـ الصلصلة بتضاف للطبق بشكل كبير ، ودة هو اللي هنهتم بيه في المطبخ دة.
(Middel Eastern cuisine ) سابعا مطبخ الشرق الأوسط
بيشتهر المطبخ العربي بأستخدام الأرز والخضروات بشكل واسع ، وبيتقسم المطبخ العربي لمطابخ عديدة منها :
المطبخ الخليجي – العراقي – اللبناني – المصري والمغربي.
(Mediterranean cuisine ) ثامنا المطبخ البحر المتوسط
هو مطبخ بيشمل دول البحر المتوسط بصورة شاملة وبالأخص المطبخ التركي اليوناني ، بيتميز بتنوع السلطات والحلويات.
الغرض من وصفي لأنواع المطبخ أن مع كل وصفة أكل هاكتبها هادرجها تحت المطبخ اللي بتتقسم عليه وبالشكل دة هكون قدمت فكرة عن الكل في أنحاء العالم أنشاءالله
" للتواصل مع الشيف وليد زوروا هذه الصفحة "
https://www.facebook.com/pages/Walids-Kitchen/215011331994045?ref=hl
ساحة النقاش