كتبت : علا علي فهمي
"خليك فريش أساحبى"، "خليك ريلاكس وابعت للدنيا فاكس"، "اضحك يا ابن الكئيبة"، "اضحك بقى خنقتنى" كلها أسماء صفحات كوميدية ساخرة على "فيس بوك"، هدفها الضحك والكوميديا والخروج من الهم وزحمة الدنيا ومشاكلها.
ولأن اللى قالوا إن المصرى "ابن نكتة" مكدبوش، فمن أول نظرة لك على هذه الصفحات ستجد مئات النكت والتعليقات الساخرة، والتى تتناول أحوال البلد والعيشة واللى عايشينها، والتى تأتيكم برعاية عمنا "أساحبى" وشخصيات الفيس بوك الشهيرة، لترفع شعار "شر البلية ما يضحك".
أبرز هذه النكات والتعليقات الساخرة والتى يتناقلها الشباب ...
محمد عاطف: الحمد لله، انتقلنا من مرحلة "إحنا هنشوف أيام سودة" إلى مرحلة "أيام سودة" فعلًا.
"الائتلاف العام للسقعانين" يطالب بــ "دفاية" لكل مواطن.
ريهام الصواف: "كون إنك مصرى ده ابتلاء فى حد ذاته".
خالد مصطفى : نفسى آخد حظى على جنب واسأله: هو أنا زعلتك فى حاجة ؟؟ عملتلك حاجة طيب؟؟ مستلف منك فلوس ومرجعتهاش؟؟
نورا محمد: بالمعدل بتاع الأخبار ونفيها، البلد دى هيبقى اسمها "جمهورية مصر المنفية".
ماجد يحيى: الرحلات فى المدارس عندنا من الابتدائى للثانوى مفيش عندهم غير حديقة الحيوان، لدرجة إن القرد يحط إيده على كتف الطالب ويسأله: هو إنت أخو فلان؟ طب هو اتوظف ولا لسه؟ والمدهش إنك تقوله: لا والله لسه؟
أمانى محمد: ما دام الاقتصاد المصرى محتاج لترميم .. نديه لوزارة الآثار يرمموا إللى يرمموه .. ويهربوا اللى يهربوه.
نادر بكر: القمح 4 شهور.. رصيد مصر من السكر يكفى 37 يوم فقط، يظهر إن الإخوان خلصوا الزيت والسكر فى الدعاية.
ساحة النقاش