كتبت : علا علي فهمي

رياح..عواصف.. ده ذنب مين ده يا اخوانّا، مش احنا أخذنا فى حصة الدين اللى مدتها 10 دقائق، إن لما ربنا يغضب على بلد بيسلط عليها جنوده، شوفوا بقى الأغلبية عندنا مين – زى ما بيقولوا هم- اللهم لا تؤاخذنا بذنوبهم.

"الجو جو أوربا .. والعيشة عيشة الصومال"، شعار رفعه شباب "فيس بوك" تعليقًا على شدة برودة الطقس والذى أصبح شبيهًا بطقس الدول الأوربية، ليتناقل الشباب الكثير من النكات والتعليقات الساخرة والتى لا تخلو من السياسة وبتوع السياسة قائلين: "البلكونات فتحت فروع فى أوربا، نهضة دى ولا مش نهضة يا متعلمين يا بتوع المدارس".

ومن أبرز تعليقات شباب الفيس بوك :

ـ الجو جو أوربا.. والعيشة عيشة الصومال.

 ـ الجـو بيستهـبل وعامـل نفسه فى أوربـا.. إيه دا؟!! عيـش عيشة أهلك يا عم. 


 ـ بيت الرعب يا بيتنــا...الهوا كسّر شبابيكنــا.

 ـ أنا طلعت هدوم الصيفى خلاص؛ لأن الشتوى مش مكفينى.

 ـ تنبيه هام.. ممنوع الخروج لأى شخص يقل وزنه عن 60 كيلو؛ لأنه ممكن يطيييييييييير فى الجو ده، والله الموفق والمستعاااان.

ـ إللى بيقولوا إن الدنيا برد هم اللى بردانين، هو فيه دولة فى الدنيا بتبرد...؟!!!

 ـ روحت فتحت باب البلكونة لقتها فاتحه فرع فى أوربا، نهضة دى ولا مش نهضة يا معفنين يا بتوع النستو!!


 ـ إحنا بندعوا الدفيانين للعودة إلى وطنهم من جديد.


 ـ عاجل الائتلاف العام للسقعانين يطالب بدفاية لكل مواطن. 


 ـ يعنى فى الجو البرد ده مش مشكلة إحنا خالص.. بس النباتات!! ما ذنب النباتات؟!!


 ـ المجد لعساكر الجيش اللى بتحمى الحدود دلوقتى فى الثلج ده، ربنا يكون ف عونهم، وربنا يكون فى عونى أنا داخل بعد أسبوعين، ادعولى يا جدعان.


  ـ أنا سعيد إنك تلجتى التلج ده.

 ـ هاتولى راجل.. قصدى هاتولى جاكيت.

ـ وقالت الماجات للنيسكافيه: نعم. 

 ـ فى واحد قلقان عليه أوى فى الجو ده ... عصام العريان.

ـ لو قولت "لأ" هتدخل النار.. قصدى هتدخل البلكونة. 

  ـ أنا مهما حصل فيّا عمرى ما هقول فين أيامك يا صيف.. فين البطاطين يا منى.

المصدر: shababwenos
shababwenos

شباب ونص - مجلة صحفية شبابية

  • Currently 0/5 Stars.
  • 1 2 3 4 5
0 تصويتات / 412 مشاهدة
نشرت فى 13 يناير 2013 بواسطة shababwenos

ساحة النقاش

Shababwenos

shababwenos
بنفكر في اللي بتفكر فيه، وبنقولك اللي محدش مهتم بيه.. »
جارى التحميل

تسجيل الدخول

عدد زيارات الموقع

935,629

أهداف برشلونة وباريس س جيرمان


https://www.youtube.com/watch?v=6iLKS2ZH_rM