كتبت : علا علي فهمي
"قولنا إلغاء مش غلاء" هكذا علق شباب "الفيسبوك"، و"تويتر" على قرارات الرئيس محمد مرسي الجديدة والمتعلقة بزيادة أسعار الضرائب، والتي ستؤدي بدورها إلى إرتفاع أسعار عدد من السلع والخدمات كالزيوت، والمياة الغازية، والسجائر، والأسمدة، والإتصالات، هذا إلى جانب إرتفاع أسعار البنزين والكهرباء.
وفجأه وبدون سابق إنذار وفي تمام الساعة 2 بعد منتصف الليل، فوجئ المصريون بإصدار الرئيس قراراً يفيد بإلغاء هذه القرارات الضريبية الجديدة، لينفجر الشباب الفيسبوكي والتويتري ساخراً بعد وقف هذه القرارات، لنجد هذا الكم الهائل من التعليقات الساخرة والتي تأتيكم برعاية "أساحبي".
ومن أبرز التعليقات :
ـ كفاية نهضة أبوس إيديك.
ـ غلِّي المية، وغلِّي البيبسي.. لسه المولتو، ولسه الشيبسي.
ـ ياريت الريس إللى ماسك شيفت الرئاسه بالليل ينسق مع الريس إللى ماسك شيفت الرئاسه الصبح !!.
ـ مصر البلد الوحيدة في العالم إللي بتصدر قرارات الساعة 2 بعد نص الليل ... شوفتوا النهضة بتعمل إيه؟.
ـ الواحد بقى خايف ينام ليفوته قرار ومايلحقهوش، وعلى ما يصحى يكون إتلغى.
ـ بعد القرارات نحب نقول لكانز البيبسي : هتوحشينا يا غالية ، وبعد إلغائها : حمد الله على سلامتك يا غالية.
ـ بعد كدة إلي هيشرب بيبسي هيتصور وينزل صورته على الفيس.
ـ وأنا إللي زعلت لما مندولين بقت بــ 75 قرش.
ـ بيقولك إللى هيتمسك بعد كده بــ 2 مارلبورو هيتحول للكسب غير المشروع.
ـ مرسي ممكن يرفع سعر أي حاجة الا الشيكولاتة لانه عارف إن جالاكسي هي اللي بتخلينا نستحمل كل ده.
ـ يطالبونا بتأييد قرارات رئيسهم وهو نفسه غير مؤيد لها !.
ـ بيقولك القرارات الضريبية، وإلغاءها بعدها بساعات ... الهدف منه إن الريس يشوف الصلاحيات بتاعته شغالة ولا لأ.
ـ مؤيدين الرئيس لما عرفوا قرار الضرائب كتير منهم قال : أيوه الإقتصاد فى حاله سيئه ولازم يعمل كده كلنا معاك يا ريس ..!! ، وبعد الالغاء .. أيوه ياريسنا يالي حاسس بالشعب ..!!
ـ مدة قرارات الرئيس 7 ساعات من تاريخ الإنتاج .. وتحفظ في مكان "بارد".
ـ بما إن الدنيا غليت فمن أﻭﻟﻬﺎ ﻛﺪﺓ عشان تبقوا عارفين يعني :
اﻻﻳﻚ بـ ٥٠ ﻗﺮﺵ
الكومنت بــ ١ ﺟﻨﻴﻪ.
ﻻﻳﻚ + ﻛﻮﻣﻨﺖ بــ ٢ ﺟﻨﻴﻪ.
ﺑﻮﺳﺖ ﺻﻮﺭﺓ أﺑﻴﺾ ﻭإﺳﻮﺩ بــ ٣ ﺟﻨﻴﻪ.
ﺑﻮﺳﺖ ﺻﻮﺭﺓ ﺍﻟﻮﺍﻥ بـ ٤،٥ ﺟﻨﻴﻪ.
ﻃﻠﺐ ﺻﺪﺍﻗﻪ بــ ٧ ﺟﻨﻴﻪ.
ﺷﻴﺮ ﺻﻮﺭﺓ بــ 8 ﺟﻨﻴﻪ
ﻭﺍﻟﻠﻪ ﺍﻟﻤﻮﻓﻖ ﻭﺍﻟﻤﺴﺘﻌﺎﻥ .
ـ قرار رقم 1 عودة مجلس الشعب.
قرار رقم 2 .. الغاء مجلس الشعب .
قرار رقم 3 .. عزل النائب العام.
قرار رقم 4 .. ارجاع النائب العام.
فرار رقم 5 .. عزل النائب العام.
قرار رقم 6 .. إصدار اعلان دستورى.
قرار رقم 7 ..إلغاء الاعلان الدستورى.
قرار رقم 8 .. زياده الاسعار وزياده الضرائب
قرار رقم 9 .. إلغاء زياده الاسعار والغاء قانون الضرائب
السؤال هنا مين الشخص إللي قراراته مهزوزه بالشكل ده ؟ ويا ترى قرارات زيادة أسعار الضرائب إتلغت فعلاً ولا إتأجلت لبعد الإستفتاء عشان الشعب يقول نعم.
ساحة النقاش