تتبيلة الفراخ على الطريقة الصينية

تحضير / شيف وليد علي

تتبيلة الفراخ على الطريقة الصينية :

الأكل الصيني بيستخدم فيه صوص أسمه صوص السويا Soya Sauce ، الصوص دة زي صوص الطماطم عندنا ، بيستخدموه بشكل كبير جدا في كل أنواع أكلهم ، وأحنا هنا هنستخدمه لعمل صوص الفراخ المشوية.

المكونات :

500 مللي صوص صويا.
100 مللي زيت السمسم Semsem Oil أعتقد نقدر نشتريه من كارفور.
250 مللي عصير برتقال فريش.
1 راس توم
1 راس زنجبيل فريش ( 25 جرام )
1 فلفل أحمر.
100 جرام سكر بني ( لو مش موجود ممكن نستخدم سكر أبيض )

طريقة التحضير :

- يقطع الثوم والزنجبيل إلى نصفين والفلفل يترك كما هو. - يتم وضع جميع المكونات في حلة على النار حتى الغليان - ثم نهدأ النار وتطبخ حتى نحصل على تقل للصوص يكون أخف شوية من تقل العسل. (Glaze) -
هنا هنتعلم يعني أيه Glaze : - " بالمعلقة " هنحط المعلقة في الصوص وهنسحبها ، في دهر المعلقة الصوص المفروض يغطيها ولو سحبنا بصباع في دهر المعلقة هنلاقي صباعنا علم فيها ، أخف شوية من تقل العسل.
- أول ما نوصل لدرجة التقل دي نشيل الحلة من على النار ، ونصفي الصوص ونضيف عليه الثوم والزنجبيل والفلفل الأحمر.
- نرجع للفرخة : - طبعا أنا مذكرتش قبل كدة موضوع غسل الفرخة ، شكرا لتعليقاتكم لأنكم بيها نبهتوني للموضوع دة.
- بعد غسل الفرخة بالطريقة اللي تفضلوها ، يتم تدليكها بزيت السمسم وتمليحها كويس ، ونقطع من ناحية الدهر Butterfly وتوضع على الشواية من الداخل ، ونبدأ عملية الشوي والتقليب .
- في أخر 10 دقايق شوي بعد حوالي 20 دقيقة ، نبدأ بتدليك الفرخة بالصوص بفرشاة ، وتقلب مرتين مع التدليك بالصوص. بعد ما نتأكد أن الفرخة أستوت ، ننقلها في طبق ونرش قليل من الصوص مع قليل من زيت السمسم